BASIRROH

               Ari ma'rifat teh ku kersana Gusti, ari tajali teh ku BASIRROH na Gusti, ari kabukana BASIRROH dina diri urang teh ku bersihna tur sucina BASIRROH anu aya dina diri urang, ari BASIRROH teh nyaeta BAdan-SIR-ROH,
1.BAdan kudu beresih jeung suci tina sagala pagawean anu kotor, tempatkeun eta badan kana tempatna, supaya urang ka asup jalma anu adil jeung anu syukuran, badan teh pake nulungan batur, pake ibadah, jeung hal anu sae anu sanesna, lain pikeun neunggeul batur jeung padorakaan anu laina, intina bersihan jeung sucikeun eta badan tina pagawean anu salah eusian eta badan ku pagawean anu bener anu alus anu di ridoan ku Gusti supaya nyumponan syarat kabukana BASIRROH Gusti anu aya dina diri urang.
2.SIR, ari sir teh rasa, leungitkeun rasa raga boga pangabisa, leungitkeun rasa yen pinter teh ku otak, leungitkeun rasa goreng sangka ka Gusti jeung ka mahlukna, leungitkeun rasa yen batur teh batur, leungitkeun sakabeh rasa anu goreng gantian ku rasa anu alus, rasa diri teu boga pangabisa da bisa ge di bisakeun ku Gusti, rasa diri teh bodo da pinter teh anu gusti ladang rohmat gusti lain ladang otak da otak mah bakal ancur, intina leungitkeun rasa diri teh jauh ti Gusti gantian ku rasa yen diri teh deukeut jeung gusti bahkan leuwih deukeut tibatan anu deukeut jiga gula jeung amisna kembang jeung seungitna nu pokokna leungitkeun rasa mahluk teh aya, lamun panon geus teu bisa ningali, ceuli geus teu bisa ngadenge, irung geus teu bisa ngarenghap, kulit geus teu bisa ngaraba tegesna mah geus ngarasa diri teh teu walakaya raga teh mutlak taya pangabisa pasti timbul rasa nu aya ngan sakur GUSTI ALLAH TA'ALA, aku ku urang sadaya yen urang teh GUSTI ALLAH TA'ALA bari ngakuna di dasaran ku kasadaran ku ka ikhlasan lain ku kasombongan ku katakaburan bari teu ninggalkeun pengamalan syariat anu wajib laksana anu sunah lakonan anu subhat tebihan anu haram singkahan.
3.ROH, ereunan roh tina marentahkeun badan tina migawe perkara anu salah, komando badan teh ku ROH sangakan migawe pagawean anu alus ROH kudu nitah badan ibadah nitah badan sukuran nitah badan welasan asihan tafakuran jeung pagawean nu hade nu sejena, lamun ROH nitah badan doraka wayahna ngke di aherat ROH bakal narima babalesna, intina ROH ulah nitah badan migawe pagawean anu salah, ROH kudu ngomando ka badan sangkan badan migawe pagawean anu bener supaya ROH beresih supaya ROH suci, lamun ROH geus suci oge bersih tina kokotor tangtu bakal boga SIR anu bersih oge suci lamun geus boga SIR anu besrih tur suci pasti MA'RIFAT KA DZAT GUSTI ALLAH ANU MAHA SUCI teges na DZAT URANG SORANGAN SAJATINA INGSUN SANYATANA AING.
       Kesimpulanana tina ieu basa jeung carita lamun ROH geus bisa bersih tur suci tina sakabeh kokotor tina marentah badan migawe anu salah tegesna ROH geus bisa ngomando badan marentah badan migawe pagawean anu bener tangtu BAdan oge bakal bersih tur suci tina sakabeh kokotor lamun BAdan geus bisa suci jeung bersih tina sakabeh kokotor pasti ngabogaan SIR anu bersih jeung suci tina sakabeh kokotor lamun eta SIR geus beresih jeung suci tangtu kabuka BASIRROH Gusti anu aya dina diri urang, lamun BASIRROH Gusti anu aya dina diri urang geus kabuka pasti urang bisa nempo DZAT GUSTI ALLAH TA'ALA, GUSTI NEMPO SAJATINA GUSTI, AING NEMPO SAJATINA AING, lamun geus bisa MA'RIFAT pasti bisa mulih kajati mulang ka asal.

MUHAMMAD FAHMI JAWAHIRUL FAUJI PRABU MULYA GENI (ABAH AHIR)

Share this post